Super Powers: తమిళనాడులోని కోయంబత్తూరులో జరిగిన సంఘటన సాంకేతిక యుగంలో కూడా ఇంకా పిచ్చి నమ్మకాలను మరిచిపోలేదని గుర్తు చేస్తోంది. ఓ యువకుడు చేసిన పిచ్చిపనిని చూసి చాలా మంది ఆశ్చర్యపోతున్నారు. తనకు అతీతమైన శక్తులు ఉన్నాయని, దేవుడితో తాను మాట్లాడానని… నేను చనిపోయినా బతుకుతానని పిచ్చి నమ్మకంతో నాలుగవ అంతస్తు నుండి ఓ యువకుడు దూకేశాడు.
తనకు అతీతశక్తులున్నాయని నమ్మి కాలేజ్ హాస్టల్ 4వ అంతస్తు నుంచి బిటెక్ విద్యార్థి ప్రభు దూకేయడం కోయంబత్తూరులో కలకలం రేపింది. నాలుగు అంతస్తు నుండి దూకడంతో ప్రభుకు చేతులు, కాళ్లు విరిగిపోయాయి. అతడి తలకు తీవ్రమైన గాయాలు అయ్యాయి. ప్రస్తుతం ఓ ప్రైవేట్ ఆస్పత్రిలో చికిత్స పొందుతున్నాడు. విద్యార్థి ప్రభు ఈరోడ్ జిల్లాకు చెందిన వాడని తెలిసింది. ఆ యువకుడు భవనంపై నుంచి దూకిన దృశ్యాలు సీసీటీవీలో రికార్డు అయ్యాయి.
