Pushpa 2 The Rule: ఐకాన్ స్టార్ అల్లు అర్జున్ హీరోగా నేషనల్ క్రష్ రష్మిక మందన్న హీరోయిన్‌గా నటిస్తున్న “పుష్ప – ది రూల్” పై భారీ అంచనాలు నెలకొన్నాయి. మొదటి భాగం ‘పుష్ప – ది రైజ్’ ఘన విజయం సాధించడంతో, రెండో భాగం ‘పుష్ప – ది రూల్’ పై కూడా ప్రేక్షకుల ఆసక్తి రెట్టింపైంది. డైరెక్టర్ సుకుమార్ దర్శకత్వంలో, మైత్రి మూవీ మేకర్స్ నిర్మాణంలో అత్యంత ప్రతిష్టాత్మకంగా ఈ చిత్రాన్ని రూపొందిస్తున్నారు. సుకుమార్ ఈ సినిమాను తన సొంత నిర్మాణంలో కూడా భాగస్వామ్యంగా తీసుకున్నారు, మరోసారి ప్రేక్షకులకు అలరించేందుకు ఆయన సిద్దమవుతున్నారు. సినిమా ఎట్టకేలకు డిసెంబర్ 5వ తేదీన ప్రపంచవ్యాప్తంగా విడుదల కానుంది.
ఇప్పటికే విడుదలైన ట్రైలర్ ప్రేక్షకులలో విపరీతమైన ఉత్సాహం రేపగా, దీనిని బీహార్ వేదికగా లాంచ్ చేయడం విశేషంగా నిలిచింది. ట్రైలర్ రిలీజ్ తోనే సినిమా మీద అంచనాలు విపరీతంగా పెరిగిపోయాయి. ఇక సినిమా ప్రమోషన్స్‌లో భాగంగా, పుష్ప టీం దేశవ్యాప్తంగా ఉన్న ప్రధాన నగరాల్లో వివిధ ఈవెంట్స్ నిర్వహించేందుకు సన్నాహాలు చేస్తోంది. అందులో భాగంగానే నవంబర్ 24న చెన్నైలో ప్రత్యేక ఈవెంట్‌ను నిర్వహించేందుకు ఏర్పాట్లు చేస్తున్నారు. అదే రోజు ఒక ఆసక్తికరమైన అంశం ఏమిటంటే, అదే వేదికపై సినిమాలో ప్రత్యేక సాంగ్ అయిన ఐటెం సాంగ్ “కిస్సిక్” ను విడుదల చేయబోతున్నట్లు చిత్రయూనిట్ అధికారంగా ప్రకటించింది. ఈ పాటలో అల్లు అర్జున్ తో పాటు డాన్సింగ్ బ్యూటీ శ్రీలీల చిందేయనుంది. వీరిద్దరి డాన్స్ స్టెప్పులు ప్రేక్షకులను ఉర్రూతలూగించే విధంగా ఉంటాయని దానికి తగ్గట్టుగా మ్యూజిక్ డైరెక్టర్ దేవిశ్రీ ప్రసాద్ అందిచిన సంగీతం ప్రధాన బలం అని టాక్ వినిపిస్తోంది.
