Rebel Star Prabhas: ప్రముఖ సినీ నిర్మాణ సంస్థ హోంబలే ఫిల్మ్స్ తాజాగా రెబల్ స్టార్ ప్రభాస్ అభిమానులకు శుభవార్త చెప్పింది. ప్రభాస్ తో మూడు సినిమాలు చేయనున్నట్లు నిర్మాణ సంస్థ ప్రకటించింది. భారతీయ సినిమా స్థాయిని పెంచేలా ఈ ప్రాజెక్టులు ఉంటాయని వెల్లడించింది. మునుపెన్నడూ చూడని సినిమాటిక్ అనుభూతిని అందించనున్నట్లు నిర్మాణ సంస్థ పేర్కొంది.
సలార్-2తో ఈ ప్రయాణం ప్రారంభమవుతుందని.. ఫ్యాన్స్ సిద్ధంగా ఉండాలని తెలిపింది. ‘ది హోంబలే కాలింగ్ ప్రభాస్’ అని వెల్లడించింది. 2026, 2027, 2028ల్లో ఈ చిత్రాలు ఉండనున్నట్లు నిర్మాణ సంస్థ ప్రకటించింది. ‘సలార్-2’ మినహాయించి మిగతా ప్రాజెక్టులు ఏంటో సంస్థ వెల్లడించకపోవడం గమనార్హం. ఈ విషయంపై ప్రభాస్ అభిమానులు ఆనంద వ్యక్తం చేస్తున్నారు. ప్రభాస్ ప్రస్తుతం ‘రాజాసాబ్’ పనుల్లో బిజీగా ఉన్నారు.
