Nishad Yusuf: స్టార్ హీరో సూర్య నటిస్తున్న ప్రెస్టీజియస్ మూవీ ‘కంగువ’. ఈ చిత్రాన్ని భారీ పీరియాడిక్ యాక్షన్ ఫిల్మ్ గా దర్శకుడు శివ రూపొందిస్తున్నారు. దిశా పటానీ, బాబీ డియోల్ కీలక పాత్రల్లో నటిస్తున్నారు. శివ డైరెక్షన్‌లో వస్తున్న ఈ సినిమా నవంబర్‌ 14న ప్రపంచవ్యాప్తంగా విడుదల కానుంది. ప్రస్తుతం ప్రచార కార్యక్రమాలు భారీ ఎత్తున నిర్వహిస్తోంది చిత్ర బృందం. ఇటీవల తెలుగులోనూ ప్రీ రిలీజ్ ఈవెంట్ నిర్వహించారు. మరికొన్ని రోజుల్లో సినిమా విడుదల కాబోతుండగా.. కంగువ యూనిట్‌కు ఊహించని పరిణామం ఎదురైంది. ఈ చిత్రానికి ఎడిటర్‌గా పని చేసిన నిషాద్ యూసుఫ్ మృతి చెందారు. ఈ రోజు(అక్టోబర్ 30) తెల్లవారుజామున నిషాద్ యూసఫ్ ప్రాణాలు కోల్పోయాడు. కొచ్చిలోని పనంపల్లినగర్‌లో ఆయన సొంత ఫ్లాట్‌లో విగతజీవిగా పడి ఉన్నారు. వెంటే ఆస్పత్రిగా తరలించగా.. అప్పటికే మృతి చెందినట్లు వైద్యులు వెల్లడించారు. అసలు ఏం జరిగిందనే కోణంలో పోలీసు అధికారులు విచారిస్తున్నారు. మలయాళంలో వచ్చిన ఎన్నో బ్లాక్‌బస్టర్ చిత్రాలు నిషాద్ ఎడిటర్‌గా పని చేశాడు.
తోవినో థామస్ నటించిన ‘తుళ్లుమల’ సినిమాకు ఎడిటర్‌గా అవార్డులు కూడా అందుకున్నాడు. కంగువ తో పాన్ ఇండియా స్థాయిలో మరింత గుర్తింపు వస్తుందని చిత్ర యూనిట్ భావించింది. అంతలోనే నిషాద్ ఈ లోకాన్ని విడిచి వెళ్లడంతో చిత్ర బృందం షాక్‌కు గురైంది. ఈ వార్తతో కంగువ యూనిట్ ఒక్కసారిగా షాక్ కు గురైంది. సూర్య, ఆర్‌జే బాలాజీ కాంబోలో వస్తున్న సినిమాకు కూడా నిషాద్ ను ఎడిటర్‌గా పని చేస్తున్నాడు. నిషాద్ యూసుఫ్ మరణాన్ని ది ఫిలిం ఎంప్లాయిస్ ఫెడరేషన్ ఆఫ్ కేరళ ఫేస్బుక్ పేజీలో పోస్ట్ చేసింది. నిషాద్ యూసుఫ్ అకాల మరణానికి గల కారణాల ఇంకా తెలియరాలేదు. నిషాద్ మరణం పట్ల పలువురు ప్రముఖులు సంతాపం వ్యక్తం చేస్తున్నారు.
