NBK 109: గాడ్ ఆఫ్ మాస్ నందమూరి బాలకృష్ణ వరుసగా భారీ విజయాలతో దూసుకుపోతున్నాడు. కొన్నేళ్లుగా అపజయమెరుగకుండా దూసుకెళ్తున్న బాలకృష్ణ తన 109వ చిత్రం ‘NBK109’ కోసం బ్లాక్ బస్టర్ దర్శకుడు బాబీ కొల్లితో చేతులు కలిపారు. కేవలం బాలయ్య చిత్రం ప్రకటనతోన సినిమాపై భారీ అంచనాలు నెలకొన్నాయి. నందమూరి ఫ్యాన్స్ తో పాటు తెలుగు సినీ ప్రియులంతా ఎంతగానో ఎదురుచూస్తున్న ఈ చిత్ర టైటిల్ టీజర్ కు ముహూర్తం ఖరారైంది.
ఇప్పటిక విడుదలైన ప్రచార చిత్రాలు విశేషంగా ఆకట్టుకోవడంతో ఈ సినిమాపై అంచనాలు భారీగా పెరిగిపోయాయి. పోస్టర్లు, రెండు భారీ యాక్షన్ గ్లింప్స్ అందరినీ విపరీతంగా ఆకట్టుకుంటున్నాయి. ముఖ్యంగా ఈ అవతారంలో బాలకృష్ణను ఎప్పుడూ చూడని కొత్త అవతారంలో డైరెక్టర్ చూపిస్తున్నందుకు ఫ్యాన్స్ ఫిదా అయ్యారు. టైటిల్ తో పాటు సినిమాకు సంబంధించిన మరిన్ని విషయాలు తెలుసుకోవాలని ఫ్యాన్స్, సినీ ప్రియులు ఆసక్తిగా ఎదురుచూస్తున్నారు. అయితే ఈ కార్తీక పౌర్ణమికి వారి నిరీక్షణకు తెరపడనుంది. తాజాగా టైటిల్ టీజర్ విడుదల డేట్ ను నిర్మాతలు ప్రకటించారు.
కార్తీక పౌర్ణమి సందర్భంగా నవంబర్ 15న NBK109′ టైటిల్ టీజర్ ను విడుదల చేయనున్నట్లు ప్రొడ్యూసర్స్ ప్రకటించారు. ఈ సందర్భంగా విడుదల చేసిన పోస్టర్ ఆకట్టుకుంటోంది. ప్రత్యేకంగా రూపొందించిన ఆయుధాలను చేతబట్టిన బాలకృష్ణ లుక్ ఆకట్టుకునేలా ఉంది. ఈ ఒక్క పోస్టర్ సినిమా అంచనాలు పెంచేలా ఉంది. ప్రముఖ బాలీవుడ్ యాక్టర్ బాబీ డియోల్ ఈ చిత్రంలో కీలక పాత్ర పోషిస్తున్నారు. ప్రముఖ సినిమాటోగ్రాఫర్ విజయ్ కార్తీక్ కన్నన్ కెమెరా బాధ్యతలు నిర్వహిస్తున్న ఈ చిత్రానికి సంగీత దర్శకుడు ఎస్.తమన్ సంగీతం అందిస్తున్నారు.
కళా దర్శకుడిగా అవినాష్ కొల్లా, ఎడిటర్ గా నిరంజన్ దేవరమానే వ్యవహరిస్తున్నారు.సితార ఎంటర్‌టైన్‌మెంట్స్‌, ఫార్చ్యూన్‌ఫోర్ సినిమాస్‌ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. శ్రీకర స్టూడియోస్ సమర్పిస్తోంది. చిత్రీకరణ చివరి దశలో ఉన్న ఈ చిత్రం, 2025 సంక్రాంతి కానుకగా ప్రపంచవ్యాప్తంగా భారీస్థాయిలో విడుదల కానుంది.
