KCR: సిద్దిపేట జిల్లా ఎర్రవల్లిలోని వ్యవసాయ క్షేత్రంలో పాలకుర్తి నియోజకవర్గ బీఆర్ఎస్ పార్టీ నాయకులు, కార్యకర్తలతో కేసీఆర్ సమావేశమయ్యారు. ఈ సమావేశంలో మాజీ మంత్రి ఎర్రబెల్లి దయాకర్ రావు కూడా పాల్గొన్నారు. సినిమా ప్రొడ్యూసర్ పరుపాటి శ్రీనివాస్ రెడ్డి , సినీ ఆర్టిస్ట్ రవితేజలు కేసీఆర్ సమక్షంలో బీఆర్ఎస్ పార్టీలో చేరారు. బీఆర్ఎస్ పార్టీ అధ్యక్షుడు కేసీఆర్ వారికి కండువా కప్పి పార్టీలోకి ఆహ్వానించారు.
ఈ సందర్భంగా మాజీ ముఖ్యమంత్రి కేసీఆర్ కీలక వ్యాఖ్యలు చేశారు. అన్ని జిల్లాలో జనం చెబుతున్నారు మళ్ళీ మన ప్రభుత్వమే అధికారంలోకి వస్తుందని ఆయన అన్నారు. వచ్చే ఎన్నికల్లో 100 శాతం బీఆర్ఎస్ అధికారంలోకి వస్తుందని ధీమా వ్యక్తం చేశారు. అందులో అనుమానమే లేదు..ప్రజలు ఏమి కోల్పోయారో వారికి అర్ధం అయ్యిందన్నారు. ఇప్పటికే కొత్త ప్రభుత్వం వచ్చి 11 నెలలు గడిచిపోయాయన్నారు. అందరూ కష్టపడి పనిచేయాలని నాయకులకు సూచించారు. అధికారంలోకి రాగానే వాణ్ణి లోపల వేయాలి..వీడిని లోపల వేయాలని మనం చూడమన్నారు. ప్రభుత్వం అంటే అందర్నీ కాపాడాలి.. నిర్మాణము చేయాలి.. పదిమందికి లాభం చేయాలన్నారు. ప్రస్తుతం ప్రభుత్వంలో ఉన్నవాళ్లు ఎలా మాట్లాడుతున్నారో మీరు చూస్తున్నారని వ్యాఖ్యానించారు. గత ఎన్నికల్లో మనం మ్యానిఫెస్టోలో ప్రజలకు ఇచ్చిన హామీలు 10 శాతమే..కానీ 90 శాతం ఎవరు ఆడగకున్న పనులు చేసి చూపించామని కేసీఆర్ అన్నారు.
