Game Changer Teaser: రామ్ చరణ్ రాబోయే చిత్రం గేమ్ ఛేంజర్ దీని కోసం ప్రేక్షకులు చాలా కాలంగా ఎదురుచూస్తున్నారు. ఈ చిత్రంలోని పాట ఇప్పటికే సంచలనం సృష్టించగా, ఇప్పుడు సినిమా థియేటర్లలో విడుదలకు సిద్ధంగా ఉంది. రామ్‌చరణ్, శంకర్ కాంబినేషన్‌లో రూపొందుతోన్న భారీ బడ్జెట్ పాన్ ఇండియా చిత్రం ప్రపంచవ్యాప్తంగా తెలుగు, తమిళ, హిందీ భాషల్లో జనవరి 10, 2025న భారీ ఎత్తున రిలీజ్ కానుంది. ఈ చిత్రంలో అందాల భామ కియారా అద్వానీ హీరోయిన్‌గా నటిస్తున్నారు. రామ్ చరణ్, కియారాతో పాటు, నవీన్ చంద్ర, అంజిల్, SJ సూర్య, జయరామ్ సహా పలువురు నటీనటులు గేమ్ ఛేంజర్‌లో ముఖ్యమైన పాత్రల్లో కనిపించనున్నారు.
శ్రీ వేంకటేశ్వర క్రియేషన్స్‌ పతాకంపై దిల్‌రాజు నిర్మిస్తున్న ఈ సినిమా టీజర్‌ను లక్నోలో రిలీజ్ చేశారు. పొలిటికల్‌, యాక్షన్ నేపథ్యంలో సాగే పవర్‌ఫుల్ కథాంశంతో ఈ చిత్రం సిద్ధమవుతోంది. ఈ సినిమాలో రామ్‌చరణ్ డబుల్‌ యాక్షన్‌లో కనిపించనున్నట్లు సమాచారం. గేమ్ ఛేంజర్‌లో రామ్ చరణ్ ఐఏఎస్ ఆఫీసర్‌గా నటిస్తున్నాడు. రామ్ చరణ్ రెండు గెటప్‌లలో అంటే తండ్రీకొడుకులుగా కనిపించనున్న గేమ్ ఛేంజర్ టీజర్ విడుదలైన వెంటనే సోషల్ మీడియాలో ట్రెండ్ అవుతోంది. ఇది ప్రేక్షకులకు బాగా నచ్చింది. తమన్ అందించిన సంగీతం టీజర్‌ను మరింత ఎలివేట్ చేసింది. టీజర్ ఎలా ఉందో ఇప్పుడే చూసేయండి..
