Game Changer: గ్లోబర్ స్టార్ రామ్ చరణ్, ప్రముఖ డైరెక్టర్ శంకర్ క్రేజీ కాంబినేషన్ లో వస్తున్న పాన్ ఇండియా మూవీ ‘గేమ్ ఛేంజర్’. ‘ఆర్ఆర్ఆర్’ తర్వాత రామ్ చరణ్ నటించిన ఈ చిత్రంపై అభిమానులకు ఎన్నో ఆశలు నెలకొన్నాయి. ఈ సినిమా సంక్రాంతి కానుకగా 2025 జనవరి 10న ప్రపంచవ్యాప్తంగా రిలీజ్ కానుంది. ఈ నేపథ్యంలో చిత్రబృందం వరుస అప్ డేట్స్ ఇస్తూ ప్రేక్షకుల్లో ఉత్కంఠను పెంచుతున్నారు. దీపావళి సందర్భంగా టీజర్ రిలీజ్ డేట్ ప్రకటించిన మేకర్స్.. తాజాగా అభిమానుల కోసం మరో కోస్ట్ పోస్టర్ ను రిలీజ్ చేశారు.
బాలీవుడ్ భామ, హీరోయిన్ కియారీ అద్వానీ కొత్త లుక్ పోస్టర్ ఒకటి ఫ్యాన్స్ కోసం వదిలారు. కియారా లుక్ ఫ్యాన్స్ మెస్మరైజ్ చేసేలా అదిరిపోయింది. సొగసైన లేత నీలం రంగు గౌను ధరించి ఆమె అభిమానులను పూర్తిగా మంత్రముగ్ధులను చేసింది. “గ్లోబల్ స్టార్ మ్యాజిక్ అండ్ బ్యూటిఫుల్ కియారా అనుభూతి పొందేందుకు ఇక ఒక్క రోజే ఉంది” అంటూ క్యాప్షన్ రాసుకొచ్చారు. ఇదిలా ఉండగా.. కాగా, రేపు (శ‌నివారం) ఈ సినిమా టీజర్ విడుదల కానుంది. లక్నో వేదిక‌గా టీజర్ లాంచ్ ఈవెంట్ ప్లాన్ చేశారు. ఇది లక్నో నగరంలో మొట్టమొదటి తెలుగు సినిమా ఈవెంట్‌గా గుర్తించబడుతుంది. ఈ టీజర్ గురించి ఫ్యాన్స్ వెయ్యి కళ్లతో ఎదురుచూస్తున్నారు.
ఇక ఈ సినిమాను శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ నిర్మిస్తున్నారు. ఈ చిత్రంలో అంజలి, ఎస్జే సూర్య, శ్రీకాంత్‌, సునీల్‌, సముద్ర ఖ‌ని, నవీన్ చంద్ర వంటి అద్భుతమైన తారాగణంకీల‌క పాత్ర‌లు పోషిస్తున్నారు. ఎస్ఎస్ థ‌మ‌న్ సంగీతం అందిస్తున్నారు. దిల్ రాజు నిర్మించిన ఈ చిత్రం ప్రపంచవ్యాప్తంగా జనవరి 10, 2025న తెలుగు, తమిళం, హిందీ భాషల్లో విడుదల కానుంది.
