TG DSC 2024: తెలంగాణలో నూతనంగా ఉద్యోగాలు సాధించిన కొత్త టీచర్లకు బ్యాడ్ న్యూస్. తెలంగాణలో డీఎస్సీ ఉపాధ్యాయ పోస్టింగ్ కౌన్సెలింగ్ వాయిదా పడింది. తెలంగాణ వ్యాప్తంగా ఉపాధ్యాయ పోస్టింగ్ కౌన్సెలింగ్ వాయిదా వేస్తున్నట్లు విద్యాశాఖ ప్రకటించింది. సాంకేతిక కారణాలతో వాయిదా వేస్తున్నట్లు పేర్కొంది. తదుపరి పోస్టింగ్ కౌన్సెలింగ్ తేదీలను త్వరలోనే వెల్లడిస్తామని ప్రకటించింది.
ఇటీవల డీఎస్సీ-2024 ద్వారా ఉపాధ్యాయ నియామక పత్రాలు అందుకున్న 10,006 మందికి పోస్టింగ్ లు ఇవ్వనున్నట్లు పాఠశాల విద్యా శాఖ అధికారులు ప్రకటించారు. ఈ క్రమంలోనే డీఈవోలు సూచించిన కార్యాలయాల్లో జరిగే కౌన్సెలింగ్ కు హాజరుకావాలని తెలిపారు. ఇదిలా ఉంటే తాజాగా పోస్టింగ్ కౌన్సెలింగ్ ను వాయిదా వేస్తున్నట్లు విద్యాశాఖ ప్రకటించింది.
