Devara Movie First Review: NTR's Acting Masterpiece

Devara Movie First Review/దేవర మూవీ ఫస్ట్ రివ్యూ: ఎన్టీఆర్ నటనకు క్రిటిక్స్ ప్రైజ్

Devara Movie: యంగ్ టైగర్ ఎన్టీఆర్ ఆరేళ్ల తర్వాత సోలో హీరోగా నటించిన సినిమా దేవర. మరికొన్ని గంటల్లో ప్రేక్షకుల ముందుకు రాబోతోంది. ఇప్పటికే అడ్వాన్స్‌డ్‌ బుకింగ్స్‌లో దేవర రికార్డులు సృష్టించింది. కొరటాల శివ డైరెక్షన్‌లో విజువల్ యాక్షన్‌ ఎంటర్‌టైనర్‌గా తెరకెక్కిన ఈ పాన్ ఇండియా సినిమా కోసం ఫ్యాన్స్‌ ఈగర్‌గా వెయిట్‌ చేస్తున్నారు. ఇందులో బాలీవుడ్ హీరోయిన్‌, అతిలోక సుందరి శ్రీదేవి కూతురు జాన్వీ కపూర్‌ ఎన్టీఆర్‌తో కలిసి నటించింది. ఆమె తెలుగులోకి దేవర చిత్రంతోనే అడుగుపెడుతున్నారు. సీనియర్‌ ఎన్టీఆర్‌, శ్రీదేవి కలిసి పలు సినిమాల్లో నటించారు. ఇప్పుడు వారి వారసులు హీరో, హీరోయిన్‌గా కలిసి నటించడంతో సహజంగానే సినిమాపై అంచనాలు ఆకాశాన్ని తాకేలా ఉన్నాయి. ఎన్టీఆర్‌, జాన్వీ కపూర్‌ల కాంబో మూవీ కోసం నాలుగైదు ఏళ్లుగా తెలుగు ప్రేక్షకులు ఎదురు చూస్తున్నారు. ఈ సినిమాలో బాలీవుడ్ స్టార్ సైఫ్ అలీ ఖాన్‌ నెగటివ్‌ క్యారెక్టర్‌లో నటించడతో బాలీవుడ్‌లో కూడా దేవరపై భారీ అంచనాలు ఏర్పడ్డాయి. సైఫ్ దేవరతో తెలుగులోకి ఎంట్రీ ఇస్తున్నారు.ఈ సినిమాకు అనిరుధ్ రవిచందర్ సంగీత అందించగా.. బెస్ట్ టెక్నీషియన్లు ఈ చిత్రానికి పని చేశారు.

Devara Movie First Review - Jr NTR's Performance Praised — Devara Movie First Review – Jr NTR’s Performance Praised

ఎన్టీఆర్‌ను సింగిల్‌గా స్క్రీన్‌ మీద చూస్తేనే ఫ్యాన్స్‌ రెచ్చిపోతారు. అలాంటిది ఎన్టీఆర్ డ్యుయెల్‌ రోల్‌లో నటిస్తే ఇక మాటల్లేవు. ప్రతి ఒక్కరికి దేవర సినిమా డబుల్ ధమాకా అని ఫ్యాన్స్ రెచ్చిపోతున్నారు. ఎన్టీఆర్‌ను రెండు పాత్రల్లో చూడాల్సిందే అంటూ ఫ్యాన్స్ అంచనాల నేపథ్యంలో దేవరకు సంబంధించిన ఫస్ట్ రిపోర్ట్ వచ్చింది. దేవరకు సంబంధించిన ఫస్ట్ రివ్యూ సోషల్ మీడియాలో వైరల్ అవుతోంది. సినిమాలోని హైలైట్స్‌గా ఏం ఉండబోతున్నాయనేది మేకర్స్ కామెంట్లు పెడుతున్నారు. దేవరకు అదిరిపోయే పాజిటివ్ టాక్ వస్తోంది. వివాదాస్పద పోస్టులతో వార్తల్లో నిలిచి ఓవర్సీస్ క్రిటిక్ ఉమైర్ సందు పెట్టిన పోస్ట్ వైరల్ అవుతోంది. ఆయన చెప్పింది కొన్ని నిజమయ్యాయి, కొన్ని కాలేదు. కానీ చాలా వరకు హిట్లు అయిన సందర్భాలు కూడా లేకపోలేదు. ఎన్టీఆర‌ నటనపై ఉమైర్ సందు ప్రశంసల వర్షం కురిపించాడు. ఎన్టీఆర్‌ నటవిశ్వరూపం, అసాధారణ నటనతో మెప్పించాడని ప్రశంసలతో ముంచెత్తాడు. తారక్‌ నటన అద్భుతంగా ఉందని, సినిమాకు కావాల్సిన పవర్ ఇచ్చాడని ఉమైర్‌ అన్నాడు. యంగ్‌ టైగర్‌కు పోటీగా బాలీవుడ్‌ స్టార్ సైఫ్‌ అలీ ఖాన్ మరో అద్భుతం అని, ఈ ఇద్దరి స్టార్స్ నటన మరో లెవెల్ అంటూ చెప్పాడు .

దేవర మూవీతో ఎన్టీఆర్ సోలో హీరోగా అదిరిపోయే యాక్టింగ్‌తో రాబోతున్నాడట. ఎన్టీఆర్‌ లుక్ క్రేజీగా ఉంటుందన్నాడు. ఎన్టీఆర్ తన మెస్మరైజింగ్ యాక్టింగ్‌తో అందరిని కట్టిపడేస్తాడని చెప్పాడు. మరోవైపు సైఫ్ మళ్లీ ఫామ్‌లోకి తిరిగి వచ్చాడని.. యాక్షన్ సీన్లలో దుమ్మురేపాడన్నాడు. ఇలా ఉండగా.. దేవరలో అందాల భామ జాన్వీ కపూర్ పాత్ర సెట్ కాలేదని, ఇరికించినట్టుగా ఉందని చెప్పాడు. మూమూలు స్టోరీన కానీ ఎంగేజింగ్‌ ఉంటుందన్నాడు. స్క్రీన్‌ప్లే అద్భుతంగా ఉంటుందని చెప్పాడు. మ్యూజిక్ దేవరకు పెద్ద అసెట్ అని, బీజీఎం పగిలిపోయిందని చెప్పుకొచ్చాడు. ఓవరాల్‌గా దేవర పైసా వసూల్ మూవీ అని.. బిగ్‌ స్క్రీన్‌పై మంచి ఫీలింగ్ కలిగిస్తుందన్నాడు. అలాగే ఓవర్సీస్ నుంచి అందుతున్న సమాచారం ప్రకారం ఇంటర్వెల్ బ్యాంగ్ కానీ, క్లైమాక్స్‌లో ఇచ్చిన ట్విస్టుకానీ అదిరిపోతాయంటున్నారు. యాక్షన్ సన్నివేశాలు సినిమాకు హైలైట్ అని, సముద్రంలో వచ్చే సన్నివేశాల గురించి ఎంత చెప్పినా తక్కువే అంటున్నారు. ఆయన సినిమా చూశాడో లేదో కానీ.. ఎన్టీఆర్ ఫ్యాన్స్ ఇది చూసి ఖుషి అవుతున్నారు. రెచ్చిపోవడానికి ఇది చాలంటున్నారు.

అలాగే సెన్సార్ రిపోర్టును బట్టి చూస్తే.. సినిమాలో ఎన్టీఆర్‌ నటన, సైఫ్‌ అలీ ఖాన్‌తో ఫైట్‌ అదిరిపోతాయని, రెండు పాత్రల్లో తారక్‌ మంచి ట్రీట్‌ ఇచ్చాడని అంటున్నారు. మరి ఫలితం ఎలా ఉంటుందో మరి కొన్ని గంటల్లో తేలిపోనుంది. దేవర రెండు భాగాలుగా రాబోతున్న సంగతి తెలిసిందే. దేవర్ పార్ట్‌ 1 ఫలితాన్ని బట్టి రెండో పార్ట్‌ ఉండబోతుందని టాక్.