Bigg Boss 8 Telugu: బిగ్‌బాస్‌ తెలుగు సీజన్-8లో తొలివారం పూర్తి కాగా.. ఈ వారం ఎలిమినేషన్ ప్రక్రియ ముగిసింది. ప్రేక్షకుల నుంచి అతి తక్కువ ఓట్లు వచ్చిన బెజవాడ బేబక్క షో నుంచి ఎలిమినేట్ అయినట్లు బిగ్ బాస్ హోస్ట్ నాగార్జున ప్రకటించారు. తన మాటలు, ప్రాసలు, పంచ్ డైలాగ్స్ తో ప్రేక్షకులకు వినోదాన్ని పంచిన బెజవాడ బేబక్క ఎలిమినేట్ అయినట్లు ఆదివారం ప్రకటించారు. ఈ వారం నామినేట్ అయిన వారిలో విష్ణుప్రియ, బెజవాడ బేబక్క, సోనియా, పృథ్వీరాజ్, శేఖర్ బాషా, నాగ మణికంఠలు ఉన్నారు. వారిలో చివరకు బేబక్క, మణికంఠలు మిగిలారు. చివరకు తక్కువ ఓట్లతో బేబక్క ఎలిమినేట్ అయినట్లు నాగార్జున ప్రకటించారు.
ఎలిమినేట్ అయిన బెజవాడ బేబక్క స్టేజీ మీదకు వచ్చి మాట్లాడారు. ఇంత త్వరగా తాను బిగ్‌బాస్‌ హౌస్ నుంచి బయటకు వచ్చస్తానని అనుకోలేదన్నారు. తనకు అవకాశం ఇస్తే బాగా ఆఢి తనను తాను నిరూపించుకునే దానినని బేబక్క చెప్పారు. ఎలిమినేట్ అయినందుకు చాలా బాధగా ఉందన్నారు. చిన్న ప్రయాణమైనా చాలా బాగుందన్నారు. ఈ బిగ్ బాస్ అనుభవాన్ని జీవితాంతం మర్చిపోనన్నారు. అనంతరం బిగ్‌బాస్‌ హౌస్ లో ఉండడానికి అర్హత లేని వాళ్లను రోడ్డు మీద పెట్టాలంటూ నాగార్జున కంటెస్టెంట్ల ఫోటోలను ఇవ్వగా.. పలువురిపై తన అభిప్రాయాన్ని చెబుతూ బేబక్క ఫోటోలను ఎంచుకున్నారు. ఈ క్రమంలో బేబక్క.. సోనియా, పృథ్వీరాజ్, నిఖిల్, మణికంఠ ఫోటోలను ఎంచుకుని తన అభిప్రాయాన్ని చెప్పారు.
