Thandel First Single: యువ సామ్రాట్ అక్కినేని నాగ చైతన్య, లేడీ పవర్ స్టార్ సాయి పల్లవి జంటగా నటిస్తున్న చిత్రం ‘తండేల్’ చందూ మొండేటి దర్శకత్వంలో రూపొందుతున్న ఈ సినిమా మ్యూజికల్ ప్రమోషన్లు ఈరోజు గ్రాండ్ గా ప్రారంభమయ్యాయి. ఈ నేపథ్యంలో చిత్ర మేకర్స్ ఫస్ట్ సింగిల్‌ ‘బుజ్జి తల్లి’ లిరికల్ వీడియోను విడుదల చేశారు. ఈ సాంగ్, లీడ్ పెయిర్ ఎమోషనల్ జర్నీని అందంగా ప్రజెంట్ చేసింది. ప్లెజెంట్ మెలోడీలతో ప్రేక్షకులను మెస్మరైజ్ చేయడంలో మంచి పేరు తెచ్చుకున్న దేవి శ్రీ ప్రసాద్, ఈ సాంగ్‌లో తనదైన సంగీత ప్రతిభను మరోసారి చాటుకున్నారు. ఇక మూవీలో ఈ పాట కథలో కీలకమైన సమయంలో వస్తున్నట్లు అనిపిస్తుంది. ఇందులో హీరో సముద్రంలో వేటకు వెళ్లిన తరువాత, తన బాధలో ఉన్న ప్రియురాలిని ఓదార్చడానికి ప్రయత్నిస్తుండటం చూడవచ్చు.
ఈ పాటను ప్రముఖ గాయకుడు జావేద్ అలీ పాడగా శ్రీ మణి రాసిన లిరిక్స్, ప్రేమలోని నిశ్శబ్దమైన భావాలను కవితాత్మకంగా వ్యక్తపరచాయి. లిరికల్ వీడియోలో నాగ చైతన్య, సాయి పల్లవి జంటగా తమ ప్రేమకథను ఎంతో అందంగా ప్రజెంట్ చేశారు. ఈ జంట మధ్య ఉన్న నేచురల్ కెమిస్ట్రీ, స్క్రీన్ పై వారి ప్రదర్శనతో ప్రేక్షకులను మంత్ర ముగ్ధులను చేస్తుంది. ‘తండేల్’ చిత్రం గీతా ఆర్ట్స్ బ్యానర్ పై బన్నీ వాస్ నిర్మాణంలో, అల్లు అరవింద్ సమర్పణలో అత్యంత ప్రతిష్టాత్మకంగా తెరకెక్కుతోంది. ఈ చిత్రం శ్రీకాకుళం జిల్లాలోని డి మచ్చిలేశం గ్రామంలో జరిగిన యథార్థ సంఘటనల ఆధారంగా రూపొందించబడింది. ఈ సినిమాకు సినిమాటోగ్రఫర్ గా షామ్‌దత్ పని చేస్తున్నారు, నేషనల్ అవార్డ్ విన్నర్ నవీన్ నూలి ఎడిటింగ్ బాధ్యతలను నిర్వర్తిస్తున్నారు. ఆర్ట్ డిపార్ట్‌మెంట్‌కి శ్రీ నాగేంద్ర తంగాల నేతృత్వం వహిస్తున్నారు. తండేల్ చిత్రాన్ని వచ్చే ఫిబ్రవరి 7న ప్రేక్షకుల ముందుకు రానుంది.
