Cholestrol: కొలెస్ట్రాల్ అనేది శరీరంలోని కణాలలో కనిపించే మైనపు లాంటి పదార్థం. ఇది శరీరం పనితీరుకు చాలా అవసరం. కానీ హైపర్ కొలెస్టెరోలేమియా అని కూడా పిలువబడే అధిక కొలెస్ట్రాల్ కారణంగా శరీరంలో దాని అధిక స్థాయి హానికరం. ఇది గుండె జబ్బులు, స్ట్రోక్ ప్రమాదాన్ని పెంచుతుంది. శరీరంలో మంచి, చెడు కొలెస్ట్రాల్ స్థాయిని పెంచడంలో లేదా తగ్గించడంలో ఆహారం ముఖ్యమైన పాత్ర పోషిస్తుంది. ముఖ్యంగా చలికాలంలో కొన్ని ఆహార పదార్థాలు ఎక్కువగా తింటే కొలెస్ట్రాల్ స్థాయిని పెంచుతాయి. వీటిని జాగ్రత్తగా తినాలి. కాబట్టి ఆ విషయాల గురించి తెలుసుకుందాం.
చలికాలంలో కొలెస్ట్రాల్ పెరుగుతుందా?
శీతాకాలం ఆరోగ్య పరంగా చాలా సవాలుగా ఉంటుంది. ఆహారం, జీవనశైలి సహా అనేక కారణాలు కొలెస్ట్రాల్‌ను పెంచుతాయి. చలి నేరుగా కొలెస్ట్రాల్ పెరగడానికి కారణం కాదు. కానీ ఆరోగ్యకరమైన ఆహారం, వ్యాయామ దినచర్యను నిర్వహించడం చలికాలంలో మరింత సవాలుగా ఉంటుంది, ఇది కొలెస్ట్రాల్ స్థాయిలను పెంచడానికి దారితీస్తుంది.
శీతాకాలంలో చెడు కొలెస్ట్రాల్‌ను ఏ ఆహారాలు పెంచుతాయి?
ఉష్ణోగ్రత తగ్గినప్పుడు, శరీరం వెచ్చగా ఉండటానికి ఎక్కువ వేయించిన స్నాక్స్, కార్బోహైడ్రేట్-రిచ్ ఫుడ్స్ తినాలని అనిపిస్తుంది. ఈ ఆహారాలు చాలా వరకు సంవత్సరం పొడవునా అందుబాటులో ఉన్నప్పటికీ, ప్రజలు శీతాకాలంలో వాటిని ఎక్కువగా తింటారు. అధిక కొలెస్ట్రాల్‌కు కారణమయ్యే కొన్ని ఆహార పదార్థాల గురించి ఇక్కడ మేము మీకు తెలియజేస్తున్నాము.
- నెయ్యి
చలికాలంలో భారతీయ వంటకాల్లో నెయ్యిని ఎక్కువగా ఉపయోగిస్తారు. ఇది ఆహారానికి రుచి, వాసనను జోడిస్తుందని నిపుణులు అంటున్నారు. ఇది ఆరోగ్యకరమైన కొవ్వుకు మంచి మూలం కానీ దాని అధిక వినియోగం కొలెస్ట్రాల్ అధికంగా పెరుగుతుంది. ముఖ్యంగా క్రమం తప్పకుండా వ్యాయామం చేయకుండా, అధిక పరిమాణంలో తినడం వల్ల శరీరంలో చెడు కొలెస్ట్రాల్ స్థాయి పెరుగుతుంది. - వెన్న
వెన్నను సాధారణంగా అనేక రకాల వంటలలో ఉపయోగిస్తారు. దీనిని అధికంగా తీసుకోవడం వల్ల శరీరంలో చెడు కొలెస్ట్రాల్ స్థాయిని పెంచుతుంది. మార్కెట్‌లో లభించే వెన్నలో అధిక మొత్తంలో సంతృప్త కొవ్వు ఉంటుంది. - పనీర్
పనీర్ భారతీయ వంటకాలలో, ముఖ్యంగా పాలక్ పనీర్, పనీర్ టిక్కా వంటి చలికాలపు వంటలలో ప్రసిద్ధి చెందిన పదార్ధం. ఇందులో సంతృప్త కొవ్వు కూడా ఎక్కువగా ఉంటుంది, ఇది కొలెస్ట్రాల్ స్థాయిలను పెంచుతుంది. - రెడ్ మీట్
రెడ్ మీట్ తింటే వెచ్చదం వస్తుందని భావించి శీతాకాలంలో తరచుగా ఇష్టపడతారు. అయితే ఇందులో శాచ్యురేటెడ్ ఫ్యాట్, కొలెస్ట్రాల్ ఎక్కువగా ఉండటం వల్ల గుండె సమస్యలు వస్తాయని డాక్టర్ మనోచా చెబుతున్నారు. - ఫ్రైడ్ స్నాక్స్
సమోసాలు, పకోడీలు, కచోరీలు, ఫ్రైలు, వడలు వంటి వేయించిన చిరుతిళ్లు చలికాలంలో ఎక్కువగా తింటారు కానీ అవి శరీరంలోని చెడు కొలెస్ట్రాల్ స్థాయిని పెంచే ట్రాన్స్ ఫ్యాట్‌ను ఎక్కువగా కలిగి ఉంటాయి.
