Natural Star Nani: దసరా, హాయ్ నాన్న, సరిపోదా శనివారం వంటి సినిమాలతో వరుస హిట్స్ అందుకున్న నేచురల్ స్టార్ నాని బ్లాక్ బస్టర్ ఫామ్‌లో ఉన్నాడు. తన సినిమాలకు అనేక అవార్డులను అందుకున్న నటుడు ఇప్పుడు తన 32వ చిత్రం ‘హిట్ 3’తో బిజీగా ఉన్నాడు. ఈ సినిమాలో నాని హిట్ ఆఫీసర్ గా పవర్ ఫుల్ పాత్రలో కనిపించనున్నాడు. డాక్టర్ శైలేష్ కొలను దర్శకత్వంలో యునానిమస్ ప్రొడక్షన్స్‌తో కలిసి వాల్ పోస్టర్ సినిమా ప్రశాంతి తిపిర్నేని నిర్మిస్తున్న ఈ సినిమా షూటింగ్ వైజాగ్‌లో జరుగుతోంది.
ఈ సినిమాలో నాని సరసన హీరోయిన్ గా కేజీఎఫ్ ఫేమ్ శ్రీనిధి శెట్టి నటిస్తోంది. సినిమాలో ఆమె పాత్రకు కూడా మంచి ప్రాధాన్యత ఉంటుంది. వైజాగ్‌లో జరుగుతున్న షెడ్యూల్‌లో నటి షూట్‌లో జాయిన్ అయింది. ప్రస్తుతం, టీమ్ లీడ్ పెయిర్- నాని, శ్రీనిధి శెట్టికి సంబంధించిన ముఖ్యమైన సన్నివేశాలను చిత్రీకరిస్తోంది.
అనౌన్స్‌మెంట్ వీడియోకి అద్భుతమైన స్పందన రావడంతో సినిమాపై అంచనాలు పెరిగాయి. నాని మేకోవర్, ఇంటెన్స్ స్క్రీన్ ప్రెజెన్స్ అందరినీ ఆశ్చర్యపరిచాయి. మిక్కీ జె మేయర్ సంగీతం అందిస్తుండగా, సాను జాన్ వర్గీస్ సినిమాటోగ్రఫీ అందిస్తున్నారు. కార్తీక శ్రీనివాస్ ఆర్ ఎడిటర్, శ్రీ నాగేంద్ర తంగాల ప్రొడక్షన్ డిజైనర్. ఇక ఈ సినిమా వచ్చే ఏడాది మే 1న థియేటర్లలో రిలీజ్ చేసేందుకు చిత్రబృందం సన్నాహాలు చేస్తోంది.
