Bigg Boss 8 Telugu: బిగ్ బాస్ సీజన్ 8 ఇప్పటికే మూడు వారాలు ముగిసింది. 8వ సీజన్ లో పాల్గొన్న 14 మంది కంటెస్టంట్లలో ఇప్పటికే ఇద్దరు బయటకు వచ్చారు. మొదటివారంలో బెజవాడ బేబక్క ఎలిమినేట్ కాగా.. రెండో వారంలో శేఖర్ బాషా ఎలిమినేట్ అయ్యాడు. ఇక ఈ వారం తక్కువ ఓట్లు వచ్చిన అభయ్ నవీన్ ఎలిమినేట్ అయినట్లు నాగార్జున ప్రకటించారు. ఇప్పటివరకు బిగ్ బాస్ లో పాల్గొన్న వారిలో వరెస్ట్ కంటెస్టంట్ గా అభయ్ పేరును సంపాదించుకున్నారు. బిగ్ బాస్ కార్యక్రమం గురించి హేళన చేస్తూ మాట్లాడడమే కాకుండా తన భార్యతో కొట్లాడి ఇలాంటి టాస్కులు ఇస్తున్నారని హేళనగా మాట్లాడాడు.
ఈ సీజన్ లో గట్టి పోటీ ఇస్తాడని ప్రేక్షకులు భావించినా.. తన నోటి దురుసుతో చెడ్డ పేరును సంపాదించుకున్నాడు. శనివారం ఎపిసోడ్ లో నాగార్దున అభయ్ పట్ల తీవ్ర ఆగ్రహం వ్యక్తం చేయడమ కాకుండా.. గెట్ అవుట్ ఆఫ్ ది హౌజ్ అంటూ కఠినంగా మాట్లాడారు. సరిగ్గా నామినేషన్స్ లో ఓవర్ కాన్ఫిడెన్స్ తో తనకు తానే సెల్ఫ్ నామినేషన్ చేసుకున్నాడు. ఎగ్స్ టాస్క్లో తన వంతు ప్రయత్నం చేయకుండా కుర్చీలో కూర్చొని కంటెస్టెంట్ల ఆటను ఆస్వాదిస్తూ గడిపాడు. ఈ క్రమంలోనే అతడు మూడో వారంలోనే ఎలిమినేట్ అయ్యాడు.
