Bajrang Punia కీలక బాధ్యతలు - కిసాన్ కాంగ్రెస్ వర్కింగ్ ప్రెసిడెంట్

Bajrang Punia: రెజ్లర్ బజరంగ్ పునియా కాంగ్రెస్‌లో చేరిన వెంటనే కీలక బాధ్యతలను పార్టీ అప్పగించింది. ఆల్ ఇండియా కిసాన్ కాంగ్రెస్ వర్కింగ్ ప్రెసిడెంట్‌గా పునియా నియమితులయ్యారు. దీనికి సంబంధించిన లేఖను పార్టీ శుక్రవారం రాత్రి విడుదల చేసింది. అఖిల భారత కిసాన్‌ కాంగ్రెస్‌ వర్కింగ్‌ ప్రెసిడెంట్‌గా బజరంగ్‌ పునియాను నియమించే ప్రతిపాదనకు కాంగ్రెస్‌ అధ్యక్షులు ఆమోదం తెలిపారని పేర్కొంది. ఒలింపియన్ రెజ్లర్లు బజరంగ్ పునియా, వినేష్ ఫోగట్ శుక్రవారం కాంగ్రెస్‌లో చేరారు. తన రాజకీయ ఇన్నింగ్స్‌ను ప్రారంభించి, ‘భయపడను లేదా వెనక్కి తగ్గను’ అని ప్రతిజ్ఞ చేశాడు. హర్యానా అసెంబ్లీ ఎన్నికలకు ముందు వీరు కాంగ్రెస్‌లో చేరడంతో ఊహాగానాలు జోరందుకున్నాయి. మల్లయోధులు ఇద్దరూ లేదా కనీసం ఒకరైనా కాంగ్రెస్ టిక్కెట్‌పై ఎన్నికల్లో పోటీ చేయడం ఖాయమని భావిస్తున్నట్లు సంబంధిత వర్గాలు తెలిపాయి. జులనా సీటు కోసం ఫోగట్‌ను పరిశీలిస్తున్నట్లు సమాచారం.

తన రాజకీయ ఇన్నింగ్స్‌ను ప్రారంభించడం గురించి, బజరంగ్ పునియా మాట్లాడుతూ.. తన కష్ట సమయాల్లో కాంగ్రెస్ తనకు అండగా నిలుస్తుందని అన్నారు. ‘మేము కేవలం రాజకీయాలు చేయాలనుకున్నామని ఈరోజు బీజేపీ ఐటీ సెల్ చెబుతోంది. మాతో పాటు నిలబడాలని బీజేపీ మహిళా ఎంపీలందరికీ లేఖ రాశాం కానీ వారు రాలేదు. మహిళల కోసం గళం విప్పినందుకు మూల్యం చెల్లిస్తున్నాం, కానీ ఇప్పుడు జంతర్ మంతర్ వద్ద మహిళలపై జరిగిన అఘాయిత్యాలకు బీజేపీ అండగా నిలిచిందని, ఇతర పార్టీలన్నీ మాతో పాటు నిలుస్తున్నాయని తెలిసింది.” అని ఆయన అన్నారు.

బీజేపీని లక్ష్యంగా చేసుకుని కాంగ్రెస్‌ను, దేశాన్ని బలోపేతం చేసేందుకు కృషి చేస్తామని పునియా అన్నారు. వినేష్ ఫైనల్స్‌కు అర్హత సాధించిన రోజు యావత్ దేశం సంతోషించినా మరుసటి రోజు మాత్రం అందరూ బాధపడ్డారని విమర్శించారు. బీజేపీ మాజీ ఎంపీ, అప్పటి ఇండియన్ రెజ్లింగ్ ఫెడరేషన్ అధినేత బ్రిజ్ భూషణ్ శరణ్ సింగ్‌పై లైంగిక వేధింపుల ఆరోపణలపై 2023లో జరిగిన నిరసనలో పూనియా, ఫోగట్ పాల్గొన్న సంగతి తెలిసిందే.

More Related News: